Wildekus

<p>Vir die welgestelde sakeman, Adam Swart, kom geloof egter nie so maklik nie.<br>Dis juis hoekom sy dogter, Lea, en haar ma van hom vervreem is; sy<br>wêreldbeskouing laat nie plek vir wonder nie. Wanneer Lea se ma egter sterf,<br>gryp Adam die kans om sy verhouding met sy dogter te herbou.<br>Hulle Wildekus-wegbreek het skaars begin wanneer ’n groep rondswerwende<br>gelowiges reg langs hulle kom laer trek met ’n versameling voos en vodde<br>karavane. Kort daarna, onder die wakende oog van hulle jong, imposante leier,<br>begin die luidkeelse gesanik, nagtelike kruisvure en waansinnige seedopery. Dis<br>alles net te veel vir Adam, en sy frustrasies loop oor in ’n ernstige kopstampery<br>met Lea. Die volgende oggend is die karavane skoonveld. Sy dogter ook.<br>Na bykans vier jaar se gesoek, gee Adam sy weelderige lewe in die stad prys. Hy<br>moet terug Wildekus toe, hy moet vir Lea gaan vind as hy ooit weer vrede in sy<br>gemoed wil hê. In die diep Transkei beland hy op die spoor van Die Lewende<br>Vlees, ’n sekte swerwers wat daar tussen die heuwels hulle eie stukkie paradys<br>probeer staanmaak.<br>Maar elke swerwer het sy storie, elke paradys sy slang.</p>