Vento e chuvia

Nun territorio extenso, misterioso e brutal no que ainda hoxe vivimos, os deuses conviviron cos homes, beberon da sua cervexa, participaron das suas batallas, exiliaronse nos seus montes. Nas vellas aldeas, na noite dos castros, hai mais de dous mil anos, ali onde hoxe vemos mudas ruinas circulares e murallas derrubadas, contaronse historias fermosas transmitidas de xeracion en xeracion. Historias de deuses que viven, que nacen, choran, aman, sangran, viaxan de monte en bosque, e das illas as costas; historias nas que non existen fronteiras entre o real e o fantastico, porque, coma no tempo de hoxe, o mundo dos homes e sobre todo imaxinacion. Deuses e homes corren baixo a chuvia, e as suas palabras son levadas polo vento e as augas, que son a cerna de Galicia. Manuel Gago imaxina os sonos, as lendas e os mitos da Idade do Ferro, como un reporteiro de viaxes que leva a sua gravadora ao interior destas cabanas castrexas. Un minucioso traballo de documentacion historica foi o paso previo para deixar voar a imaxinacion e entrar nun universo cultural mitico, onde o vento e a chuvia nos traen versos, memorias e a recuperacion de centos de nomes de persoas, cidades e seres miticos da Galicia previa a invasion romana, ata agora desconecidos polo gran publico. As ilustracions de Manel Craneo recrean este mundo con formas e cores poderosas que nos fan viaxar no tempo.