Uiteindelik verlief

<p>Liefde laat nie op hom wag nie ...<br>Danika Lombaard hoort in die stad, maar sy gaan dié Kersfees op haar ouers se<br>plaas moet wees vir ’n familiefees. Danika is mooi, suksesvol en baie, baie<br>onafhanklik. Sy wil nie ’n man hê nie en klaar. Maar sy is ook die oudste van vier<br>dogters en haar ma speel al vir jare paartjieknoper.<br>Op die plaas loop sy vir Bismarck Lombaard raak, oftewel Meneer Ongeskik.<br>Die sexy boer met dieselfde van en haar ouers se buurman. Die een sonder<br>familie. Die een wat haar lelik genoem het. En die een wat haar hart aan die klop<br>kry.<br>Vir hierdie man moet sy ligloop. Hy dra haar tasse, hy skink vir haar wyn en sy<br>hande rus gereeld op haar lyf. Dis asof haar ma se droom van ’n kêrel vir Danika<br>waar geword het. Sonder haar medewete.</p>