Syng og leik i lag

Leik er livsviktig! Denne boka er laga for å få små og store til å leike meir. Å synge, danse og leike i lag gir positiv energi og glade kroppar. Boka inneheld 65 songleikar. Mange av dei er kjende og kjære, andre er nye. Alle leikane er utstyrt med notar, tekst og enkel rettleiing. Felles for songleikane er at alle kan vere med. Her er det ingen konkurranse eller krav til prestasjonar. Ein kan leike både ute og inne, og treng ikkje dyrt utstyr for å komme i gang. Og ekstra kjekt blir det når born, ungdom og vaksne leikar i lag.