L. And si dagbok

Dette er ei teikneseriebok for barn/ungdom 10-15 år. Det er dagboka til L. And. Han er ei and med vass-skrekk, to badeglade venner, og eit framandt egg å passe på. L. And prøvar å bli kvitt angsten, samstundes som han skjuler vass-skrekken for vennene. Passing av egget er ei av mange gode unnskyldingar for ikkje å hoppe i vatnet. Dette gir rom for mange morosame situasjonar og konfliktar. Dagboka er skriven i løkkeskrift, med svart og raud penn, med skriblingar i margen og enkle strekteikningar av ender og egg. Teksten er naiv og morosam.