Die Erflating

<p>Adri is die oudste Malandogter, grootgemaak om haar pa se plek as hoof van AM Holdings in te neem. Toe Adriaan Malan sterf, word die mat onder Adri uitgeruk. Haar pa het sy beherende aandeel verkoop – aan ’n vreemdeling. <br><br>Wouter Mouton glo sy is bloot finansiële direkteur danksy haar pa se invloed. Sy moet met hom saamwerk, haarself bewys, terwyl sy haar verwerping deur haar pa moet verwerk. <br><br>Dit word ’n stryd om oorlewing, professioneel en emosioneel. Sy is nie bestand teen Wouter se aantrekkingskrag nie. Boonop word haar geloofwaardigheid by die maatskappy gesaboteer. Wil hy van haar ontslae raak? <br><br>Adri moet verwoed vure doodslaan, staande bly, maar dit word mettertyd oorweldigend. En sy durf nie kwetsbaar wees nie.</p>