Vir ewig en altyd

<p>Xia het ’n broertjie dood aan ryk mense. Meer nog ryk mans. En veral ryk pierewaaiers soos Duart Emmerich Hy’s die soort wat duisende kilometer op sy luuksejag rondseil en ure lank ledige praatjies met sy ewige ledige vriende maak. Partytjies, pret, plesier is sy lewe. En natuurlik vroumense. Xia weier om ook ’n kerfie op sy kerfstok te word. Al is hy hoe onweerstaanbaar. Sy word gedwing om tyd saam met hom deur te bring. As platsakjoernalis is hy haar volgende salaristjek. Maar wie is dié eks-rekenaar-nerd cum entrepreneur werklik? Steek daar meer in hom? En waarom voel dit al vir haar asof hy haar soos ’n vis bietjies-bietjies inkatrol?</p>