Somá sámástit

Dá lea sámegiela nuppigiela didaktihkkarávagirji mas čilgejuvvo mo njálmmálašgielain sáhttá bargat. Girji addá oppalašgova sámegiela álgodási giellaoahpahussii. Das leat giellaoahppanteoriijat, evttohusat fáttáide, čilgehusat ráhkkanan- ja čađahanoassái ja mo sáhttá bargat giela ovdánemiin. Leat čohkkejuvvon ollu doaimmat mo hárjehallat ja somás vugiin oahppat sámástit. Girji galgá leat veahkkin vuosttažettiin sámegieloahpaheddjiide geat oahpahit sámegiela nuoraide ja rávisolbmuide.