Groen vingers

<p>Sasha is mal daaroor om eksperimente te doen. Haar oupa was immers ’n wêreldbekende wetenskaplike. Soms loop Sasha se eksperimente nou wel ietwat skeef – maar dis deel van die pret! <br><br>Toe sy op ’n dag ’n paar vreemde pitte in haar oupa se ou trommel ontdek, besluit sy om dit te plant. Eers lyk dit of niks gaan gebeur nie … maar dan maak ’n monsterplant sy verskyning in die natuurwetenskapklas! Dit lyk selfs of die plant van plan is om vir juffrou Jansen op te eet … tensy Sasha blitsvinnig ’n plan kan beraam! <br><br>’n Avontuurbelaaide storie vir beginnerlesers, propvol van Jaco Jacobs se ken-merkende skaterlag-humor waarop kinders versot is!</p>