Droom saam met my

<p>Sanrie kom hopeloos laat vir ’n werksonderhoud by Nel en Vermaak argitekte en verbeur nie net haar kans op ’n werk nie, maar ook om ’n beurs los te slaan. Sy maak boonop ’n gek van haarself voor Boshoff, die mooiste man wat sy nog ooit gesien het. <br><br>Boshoff en Barnard se ma Carla red haar uit haar verknorsing, salig onbewus daarvan dat Sanrie haar hart op Boshoff verloor het. Tannie Carla glo Sanrie is die ideale vrou vir Barnard …<br><br>Droom Sanrie tevergeefs? Sy staan tog eintlik nie ’n kans met die verleidelike Monika wat Boshoff mooi in haar kloue het nie. En wie is die enigmatiese sender van die laventelblomme wat klokslag op Sanrie se lessenaar beland?</p>