Die beste Suid-Afrikaanse spookstories

<p>Maak kennis met ’n paar van die bekendste spoke in Suid-Afrika! <br><br>Die spookmeisie van Uniondale wat sommige nagte langs die pad staan en duimgooi… <br><br>Die beeldskone maar hoogmoedige Eliza wie se gehuil glo nog steeds op maanligaande deur die klowe van die Hexriviervallei weerklink … <br><br>Die Wandelende Jood wat glo snags op die pad tussen Beaufort-Wes en Prins Albert ronddwaal en motoriste die skrik op die lyf jaag … <br><br>Die spookhond van Aliwal-Noord wat plaasbewoners koue rillings gee . . <br><br>En die onverskrokke seekaptein Hendrik van der Decken, wat steeds aan boord van die Vlieënde Hollander oor die oseane swerf … <br><br>Of jy in spoke glo of nie, die 18 verhale wat Wendy Maartens in hierdie bundel oorvertel, sal jou heerlike hoendervleis gee!</p>