Lulu-reeks

<p>Lulu droom daarvan om ’n modeontwerper te word, nes haar ma en pa. Niks is vir haar lekkerder as om ontwerpe in haar rooi tekenboek te maak nie.<br><br>Daarom is sy baie opgewonde toe hulle balletjuffrou aankondig hulle gaan ’n spesiale konsert vir die jaarafsluiting hou. Lulu gaan nie net die rol van die meer-minprinses dans nie – sy gaan ook die kans kry om ’n paar van die wonderlike uitrustings self te ontwerp!<br><br>Maar die tweeling, Alex en Alet, hou niks van ballet nie. Hulle terg gedurig vir Lulu en Carmen oor die balletklasse.<br><br>Toe Alex boonop per ongeluk ’n rol in die balletkonsert losslaan, is die gort gaar. Sal hy die spesiale seerowerprins-uitrusting dra wat Lulu vir hom ontwerp het? Of gaan die balletkonsert ’n groot flop wees ...?<br><br>’n Heerlike boek vir jong lesers wat op soek is na humor en ’n lekker spannende storie – met Elsbeth Eksteen se fantastiese volkleurillustrasies wat bydra tot die pret!</p>