Aankoms en vertrek

<p>Bailey Kellerman het Suid-Afrika finaal verlaat toe Adam, haar jeugliefde,<br>nie tot trou kon kom nie. In London hierna was daar ’n huwelik met ’n<br>Fransman, maar ook hy´ het haar in die steek gelaat.<br>Wanneer ’n tragedie in Johannesburg die lewens van Bailey se ouers<br>eis, dring haar broer aan dat sy huis toe kom. Hy is woedend omdat sy nie<br>hul ouers se begrafnis bygewoon het nie – sonder om te weet wat haar rede<br>was.<br>Maande ná die begrafnis is Bailey eindelik terug in Suid-Afrika op<br>soek na antwoorde rakende haar ouers se dood – antwoorde moontlik<br>opgesluit in haar pa se kluis waarvan die sleutel skoonveld is. Om sake te<br>vererger, gooi Adam se herverskyning haar lewe nog meer omver.<br>In Aankoms en vertrek blaas bobaasstorieverteller Pat Stamatélos met<br>haar gebruiklike humor en ligte aanslag asem in ’n handvol karakters wie<br>se lewens deur omstandighede op die spits gedryf word.</p>