Saankos luvan muistela

Met kohtaama pahoinpiettyjä poikia, nuoria miehiä matkala Muukalaislegioohnaan ja toisheen mailmansothaan. Tässä kirjassa taas ja taas asetettu kysymys oon jos kirjalisuus saattaa antaa näile ääntä, lieventää niitten tuskaa ja sallia poikien kertoa mitä net oon kokehneet. 

Met kohtaama kokehneen ja mailmaa kulkenheen saarnamiehen, joka joutuu elämänsä hankalimphaan paikhaan ko se oon saarnamatkala yhtheen kylhään saarnaahmaan sovitusta ja antheeksinatamusta. Mutta pakotettuna kohtaahmaan yhen miehen mettäkämpässä saapi sen eppäihleen. Näissä kertomuksissa antheeksiantamattomus ja antheeksiantavaisuus oon rinnakkaa löytämättä vastausta kysymyksheen mitä antheeksi saattaa antaa, piain vain sen mikä oon mahotonta antaa antheeksi. 

Met kohtaama Assarin, Helgen ja Hildingin, Meänmaan poikia, joila oon mitalit uniformussa, nuoria miehiä, jokka uskova tehtävhäänsä vastustaa ihmiskunnan verisimpiä aatheita. Nyt net saava kertoa.