Krigen kjem til Garli

I dag er Garli ein stad du køyrer forbi på E6 med nokre få hus på andre sida av elva Igla. Sånn har det ikkje alltid vore. For dei som var fødd på 40, 50 og 60 talet var Garli ei levande grend med Garli stasjon. Grenda vart ein landsby, eit sentrum, i relasjon til Dovrebanen, som vart opna i 1921. For dei som seinare vaks opp på Garli har historia frå 1940 vore temmeleg ukjend. Heldigvis hadde Hjørdis skreve dagbok, og vi har med denne fått innblikk i dramatiske dagar.