Kamelguten

Boka om Kamelguten kan lesast heile året, men passar særleg godt til advent og jul. Ved å lese eitt kapittel kvar dag, blir boka ein annleis kalender frå 1. desember til 13. dag jul. Kirsten Sødal har skrive denne gripande forteljinga om venskap og om å høyra til. Boka fins også på bokmål. Om forteljinga: Fattigguten Harp kjem til oasen Astro for å vere kamelgut, og det er ikkje lett å vere åleine på ein ny stad. Harp lengtar heim. Heldigvis har han kamelungen Kameline. Ein dag lyser ei ny og klår stjerne på himmelen. Skriftene seier at ein himmelkonge snart vil bli fødd. Baltazar dreg med karavanen etter stjerna - mot Jerusalem. Harp og Kameline er med. Til slutt møter dei Stjernebarnet.