Abagabe ba Mpororo Ababandize

Ekitabo eki, Abagabe ba Mpororo Abaabandize, nikigamba aha Bagabe abaategyekire Mpororo aha busingye bwayo. Abantu baingi abobwire obu Mpororo bagihurira buhurira. Tibiri byingi ebigihandiikirweho. Nangwa na baingi bakoma aha kuteekateeka ngu Abahororo baba orujwangye rwAbanyankore, Abakiga, obundi nAbanyarwanda nEkifumbira. Babaasa kuba batagwire ahabwokuba omu nsi egi tuteraine twajwangana na munonga turikuraba omu kushwererana.Omuhandiikiwekitabo eki akashutama nekaraamu ye yaatondoora ebi yaabaire naamanya hamwe nebiyacondoorize kandi nebimwe ebi yaarabiremu we nkomuntu. Natworeka oku abantu ba Mpororo baabaire baine enyikiriza yaabo erikukomooka ahari ishenkuru-bo, niwe Nshamba ou abantu boona bakomookaho. Nitureeba twebuuza oba Nshamba ogu aine akakwate na ba Ruhanga abenyikiriza zitari zimwe-na-zimwe.Omuhandiiki naturabya omu Bagabe nOmugabekazi abaategyekire Mpororo.Nobu araabe atarikutebya ebi abantu ba buriijo baabaire bakora kwonka ku turi kuranzya gye ebi Abagabe aba baakozire nikituheerezaho ekishushani aha ntuura yabantu obobusigye obwo; reero tubaasa kweshushaniriza ahu turugire.Reero mbwenu, Aloni Muyinda tumugambe-ki tureke-ki? Ekyokubanza kya byona, akazaarwa Mpororo ekiriho. Akakwatwa buhuuku. Akaba ariho Mpororo eyaabaire eyeteraine erikutegyekwa omu bicweka mushanju; na bwanyima ebicweka ebyo birikukubuurwa Abajungu. Okutonzya kwe kwonka nikutwetengyesa kushoma eki kitabo: abantu nibahindurwa okwetwa Abanyankore. Mpororo ebure nabantu baayo. Mpororo yo teri mu Uganda kurindwa?Shoma eki kitabo reero oyebuuze ahu orugire iwe wenka nahu waakubaasa kuba oriyo nooza! Oyebuuze yaaba ori Omunyankore, Omuhororo, Omukiga nari-shi Omunyaigara!!