????

Ալեքսանդր Շիրվանզադեն (իսկական անունը Ալեքսանդր Մինասի Մովսիսյան, Շիրվանզադե Շիրվանի որդի) ծնվել է 1858թ. ապրիլի 18-ին Շամախիում (Ցարական Ռուսաստան, այժմ Ադրբեջանի տարածք): Մի քանի տարի Շամախիի հայոց թեմական ու ռուսական գավառական երկդասյան դպրոցներում սովորելուց հետո թողել է ուսումը և, ընտանիքին օգնելու նպատակով, մեկնել Բաքու, իսկ 1883-ին տեղափոխվել Թիֆլիս

Ա. Շիրվանզադեի ստեղծագործությունների գլուխգործոցը Քաոս վեպն է, որը լույս է տեսել 1898-ին 1896-1897 թվականներին կրկին ուսումնասիրելով Բաքվի կյանքը՝ հեղինակը գրել է. Միջավայրն արտաքուստ փայլուն էր, ներքուստ՝ այլանդակ և ծայր աստիճան վտանգավոր, գոյացել էր մի այլանդակ քաոս, ուր սերը դեպի ոսկին ջնջել ու անհետացրել էր լույսը խավարից, բարոյականն անբարոյականից զատող բոլոր գծերը Վեպում պատկերվել է արդյունաբերական քաղաքը, ազատ ձեռնարկատիրական հարաբերությունների հաստատումը, բարոյական արժեքների անկումը և ստեղծվել սոցիալ-հոգեբանական սուր բախումների տեսարաններ, ինչպես նաև քննվել մարդկային ողբերգության պատճառներն ու ակունքները