Wat Werner doen met sy drie miljoen

<p>Wat sal jy doen as jy die LOTTO wen?<br>Dit is die vraag wat Werner, TC en Einstein hulself afvra een pouse. Soos die<br>meeste graad 9 seuns, droom hulle oor sportmotors en privaat vliegtuie. Vir die<br>grap besluit die drie seuns om regtig elkeen ’n LOTTO-kaartjie te koop. Hulle<br>vat vir Oupa Ig (Werner se oupa wat Alzheimers het) om “roomys” te koop, en<br>sonder dat hy besef wat aangaan speel hulle die LOTTO. Dan gebeur die<br>onverwagte: hulle wen wraggies meer as R3 miljoen!<br>Werner voel baie skuldig oor hoe hulle sy siek oupa misbruik het, en hulle<br>besluit om nie die geld te eis nie ... maar dan verloor Werner se ma haar werk.<br>Oupa Ig se gesondheid begin agteruitgaan, en Werner is baie bang sy ma trou<br>met die nare oom Daan.<br>Nou begin die groot uitdaging: sy ma glo dobbel is doodsonde, so hoe op aarde<br>gaan hulle die geld by haar uitkry?</p>