Sire ja Jusse 2

Seksualitehta lea speanttas fáddá mánáide. Lea veahá ciegus, veahá heahpat, lobiheapme, ja dat boktá sáhkkiivuoda. Mánát leat sáhkkii sihke rávisolbmuid seksualitehta ektui ja dan seksualitehtii mii sidjiide guoská. Dávjá lea váhnemiid mielas váttis hállat mánáiguin seksualitehta birra. Sii dovdet soaitá servodaga norpmaid, kultuvrra ja religiovnna mainna ieža leat bajásšaddan.
Soaitá lei nu ahte ii galgan hállat nu ollu seksa birra dalle go dii bajásšattaidet?

Muhtin rávisolbmuid mielas lea váttis hállat mánáiguin seksa birra danne go eai riekta diede gude dásis galgá hállat. Man ollu galget mánát rievtti mielde diehtit rávisolbmuid seksualitehta birra?

Dát girji lea heivehuvvon mánáide geat vázzet 1.-4. luohkkás. Dákkár fáktagirji sáhttá leat vuogas álggaheaddji ságastallamiidda váhnemiidda ja mánáide. Das giedahallojuvvojit iešgudetge dehálaš fáttát heivehuvvon dasa man láddan mánát leat: rávisolbmuid ja mánáid seksualitehta, gierdevašvuohta ja dohkkehit earalágánvuodaid, seksuálalaš sodju, sohkabealli, diedut rupmaša birra ja mo dat rievdá eallinagis, mánáid vuoigatvuodat ahte eai galgga vásihit seksuála veahkaválddi dahje eará veahkaválddi ja mánáid vuoigatvuodat mearridit iežaset rupmaša badjel.

Juohkehaccas lea rumaš, juohkehaccas lea seksualitehta. Sihke rávisolbmot ja mánát fertejit hárjehallat háleštit gaskaneaset dán dehálaš fáttá birra.