Eerste liefde (2-in-1)

<p>In ruil vir ’n hart<br>Zac Meyer is veeleisend; stiptelikheid en intelligensie is sy groot vereiste. En ’n beeldskone vrou aan sy arm. Én, natuurlik, Nelliesbaai. <br>In dié prentjie pas Zanne nie. Sy’s doodgelukkig … wel, doodtevréde as sy die wêreld in fokus deur haar bril waarneem, as haar potplante water het en as sy saans die komme en gane op die aandelemark kan dophou.<br><br>Sy speel sekretaresse vir Zac, ja, al stotterend en stamelend, red sy selfs sy lewe. Sy weet sy is ’n ou valetjie, maar sý is gelukkig.<br>Totdat die noodlot ingryp en Zanne se lewe op sy kop keer. Sy weet skaars waar sy is en glad nie waar Zac staan nie …<br><br>Onweerstaanbare kok<br>Armand Retief is ’n selfversekerde, egoïstiese, klasbewuste snob. ’n Onaangename statusbewuste fossiel.<br>Hy en sy Retief-familie, dink hy, is verhewe bo ander.<br>Reza weet maar te goed sy moes nie onder valse voorwendsels deel van dié huishouding geword het nie, saamgespeel het dat sy ’n kok is nie … want van kook en koekbak weet sy niks, en sy’s eintlik een van hulle, ook ’n Retief, al weet hulle dit nie. Nog nie.<br>En maak nie saak of Armand se aantreklike bakkies haar speeksel laat opdroog nie; hy ís haar oom, nie aangetroud nie, blóédverwant.<br>Sy moet haar bewerasies onderdruk, hom sê. Ook vir haar oupa. Maar wanneer? En hoe?</p>