Die lang man sonder skaduwee

<p>“Die lang man sonder skaduwee,” so het die oumense gepraat as hulle die grondpaaie<br>beskryf het wat oor die rug van vlaktes loop soos linte wat plase en veeposte<br>en dorpe aan mekaar bind. Dit was ’n raaisel wat hulle vir mekaar gevra het om<br>’n stram geselskap aan die gang te kry.<br>Met dié raaisel begin Antoinette Pienaar, Afrikaanse sangeres, aktrise en<br>radiopersoonlikheid, haar nuwe boek ná die verskyning van Kruidjie roer my,<br>haar boek oor Karookruie wat sy plek as ’n klassieke werk in Afrikaans ingeneem<br>het. Sy werk reeds vir jare in die Karoo saam met oom Johannes Willemse,<br>legendariese Griekwa-medisyneman. Oom Johannes leer haar hoe om<br>Karookruie te gebruik om mense se lywe en siele te genees en van heinde en<br>ver kom besoekers om hier by hulle gesond te kom raak.<br>In Die lang man sonder skaduwee sit Antoinette haar roeping as geneser<br>voort. Vol begrip en deernis word Karookruie ingespan om allerlei kwale te<br>genees. Maar nou ondersoek sy ook die genesende krag wat in die ou stories,<br>raaisels en rympies van die Griekwa-mense skuil, want dikwels het ’n fisieke<br>probleem ’n emosionele oorsprong en is dit stories wat die hart kan genees.<br>Die langman sonder skaduwee is volksbesit: waardevolle inheemse kennis<br>liefdevol opgeteken vir lees en herlees.</p>